नवीन वर्षाच्या नवीन सवयींना सुरुवात करूया.

 सकाळचे ०५/०० चे ०७/३० कसे वाजतात हेच कळत नाही. दररोज मी नवीन संकल्प करतो की, सकाळी लवकर उठून जॉगिंगला जायचे, परंतु ती सकाळ अजून आलीच नाही. आता नवीन वर्षाच्या सुरुवातीला सुरुवात करावी असा विचार करतोय. मला ही चांगली सवय कधी जडेल माहित नाही.

अशीच काही तुमची पण समस्या आहे का ?

 दरवर्षी तुम्ही पण असेच काहीतरी नवीन सवयी स्वतःला लावण्यासाठी प्रयत्न  करत असता. पण त्या सवयी लावणे थोडेसे कठीण जाते. एखाद्या अशाच चांगल्या सवयीला तुमच्या दैनंदिनीमध्ये ह्या नवीन वर्षाच्या सुरुवातीला सामील करायचे असेल, तर माझा हा ब्लॉग पूर्ण वाचा.

पहिल्या महायुद्धाच्या वेळी अमेरिकेमध्ये सर्व लोकांसमोर एक खूप मोठी समस्या उभी होती ओरल हायजिनिंगची. ज्यामुळे तोंडाचे अनेक आजार लोकांना व्हायला सुरुवात झाली. त्यावेळेसच हॉपकिन्स यांनी एक अफलातून प्रॉडक्ट आणले Pepsodent. दररोज सकाळी-सकाळी उठल्याबरोबर जे Pepsodent वापरून आपण आपले दात स्वच्छ करतो तेच. हॉपकिन्स यांनी Pepsodent चे महत्व लोकांना अशा प्रकारे पटवून दिले की, pepsodent या दात साफ करण्याच्या क्रीमने तुम्ही दात साफ केलात, तर तुमचे दात हे खूप स्वच्छ राहतील, शिवाय तोंडाचे आणि दातांच्या अनेक समस्यांपासून तुम्ही दूर राहाल. हा विश्वास लोकांना देण्यासाठी त्यांनी सुरुवातीला काही सैनिकांवर प्रयोग केला .सैनिकांनी ज्यामध्ये पेपरमिंट, काही केमिकल्स यांचा वापर केलेला होता अशा पेपसोडेंट ने दात स्वच्छ केले. आणि आश्चर्य म्हणजे त्यांना खूप फ्रेश वाटायला लागले. याच प्रयोगाचा वापर करून हॉपकिन्स यांनी जेवढ्या शक्य होईल तेवढ्या सोशल मीडियाचा वापर करून पेप्सोडेंटची जाहिरात करायला सुरुवात केली आणि आश्चर्य काही दिवसांनीच पेप्सोडेंट हा जनसामान्यांच्या सकाळमधील एक अत्यंत अति महत्त्वाची अशी बाब बनली. ज्या दिवशी ते सैनिक तोंडात मुलायम, स्मूथ, स्वादिष्ट अशी क्रीम तोंडात सकाळी-सकाळी टाकणार नाही तोपर्यंत त्यांना फ्रेश वाटत नव्हते. म्हणजेच ती स्मुथ, चविष्ट, आणि मुलायम पेस्ट ही त्यांची दैनंदिन सवय बनली होती. म्हणजेच सर्वसामान्यांनी त्या क्रीमला आपल्या दैनंदिनीत समाविष्ट केले होते. 

तुम्हाला अशीच एखादी सवय म्हणजेच सकाळी लवकर उठायची, पुस्तके वाचायची, लिखाण करायची, योगा-व्यायाम करायची, किंवा वगैरे.. चांगल्या सवयी तुम्हाला तुमच्या दैनंदिनीत सामील करून घ्यायच्या आहेत. तर त्या सवयी मुद्दामहून दररोज करायला सुरुवात करा मग कितीही कंटाळा आला तरीही. दररोज किमान अर्धा तास जरी तुम्ही ह्या सवयींना दिलात तरी ती सवय तुम्हाला जडायला सुरुवात होईल.

ह्या चांगल्या सवयी ज्या तुम्हाला लागायला हव्यात अशी तुमची मनापासून इच्छा आहे, तर त्या सगळ्या सवयी कागदावर लिहून काढा. आणि त्या छान अशा फोटोसहित कागदावर रेखाटा आणि तुम्हाला सहजपणे दृष्टीस पडतील अशा ठिकाणी घरातील  भिंतीवर चिकटवा. म्हणजे तुम्हाला सतत ती चित्रे आठवण करून देतील. किंवा तुमच्या स्मार्टफोन मध्ये तुमच्या सवयींचे wallpaper ठेवा म्हणजे तुमच्या सतत दृष्टीस पडेल. आणि ती चांगली सवय चालू करण्यास तुम्ही तुमच्या मनाला तयार कराल, मनाला ती गोष्ट करण्यास भाग पाडाल.

दररोज ध्यान करा आणि ध्यानानंतर स्वतः चे आत्मपरीक्षण करायला सुरुवात करा. म्हणजे त्या आत्मपरीक्षणात तुम्हाला कळेल की, कोणती सवय तुमची तुम्हाला खटकतेय आणि कोणत्या सवयीला तुम्ही जास्तीत जास्त वेळ द्यायला हवे. त्या सगळ्या गोष्टी लिहून काढा. 

आणि ह्या नवीन वर्षाच्या सुरुवातीलाच स्वतः लाच कमीट करा की, माझी चांगली सवय मला आजपासूनच सुरु करायची आहे. आणि ती सवय मी दररोज अगदी दररोज करणार. दररोज २१ दिवस करणार, त्यानंतर स्वतः लाच टार्गेट द्या की, ६६ दिवस करणार, आणि त्यानंतर २६५ दिवस करणार, अशी कमीटमेंट तुम्ही स्वतः लाच केली तर ती चांगली सवय तुम्हाला लवकर जडेल. आणि ती सवय तुमच्या दैनंदिनीचा एक महत्त्वाचा भाग कधी बनेल हे तुम्हाला कळणार ही नाही. 

तर करणार ना स्वतः ला कमीट. चला तर मग, सुरुवात करा. वेळ जाण्याआधी त्या वेळेला आपलेसे करा. आणि नवीन वर्षाच्या सुरुवातीपासूनच त्या चांगल्या सवयींना आपलेसे करायला सुरुवात करूया.

माझा हा ब्लॉग तुम्ही पूर्ण वाचलात ह्याबद्दल धन्यवाद. 

माझा हा ब्लॉग तुम्हाला आवडला असेल तर नक्कीच Share करा, आणि Like करा. 

खेळा संदर्भातील अधिक माहितीसाठी माझी फेसबुक कम्युनिटी मिशन १०० ऑलीम्पिक्स ही नक्की जॉईन करा.